माऊलीजींचा परीचय...

माऊलीजी मागील अनेक वर्षांपासून ज्ञानयोग ध्यान शिबिर पूर्ण करणाऱ्या साधकांना व्याधीमुक्त, व्यसनमुक्त, तणावमुक्त आणि आनंदमय जीवनाची यात्रा घडवत आहेत. केवळ ज्ञान देणे हा त्यांचा उद्देश नसून प्रत्यक्ष अनुभव प्रदान करणे हा त्यांचा मुख्य हेतू आहे. आईचं प्रेम हृदयात ठेवून ती ममता भरभरुन वाटणारे व क्षणभरात सर्वांना आपलेसे करून जिव्हाळा निर्माण करणारे माऊलीजी आज लहानांपासून वयोवृद्धांपर्यंत सर्वांच्या आवडीचे बनले आहेत. सर्व साधकांच्या शब्दांत, डोळ्यात व हृदयात फक्त आणि फक्त माऊलीजीच राहतात.

माऊलीजींचे सोपे, वैज्ञानिक आणि सर्वांना समजणारे मार्गदर्शन म्हणजे त्यांची साधी भाषा, स्पष्ट विचार आणि 100% अनुभवावर आधारित मार्गदर्शकता. त्यामुळे विद्यार्थ्यांपासून ते समाजसेवक, डॉक्टर, पोलीस अधिकारी, व्यावसायिक, गृहिणी असे उच्चशिक्षित आणि अशिक्षित ही त्यांच्या विचारांनी प्रेरित होतात.

त्यांच्या सत्संगात अध्यात्म, विज्ञान आणि आधुनिक जीवनशैली यांचे सुंदर एकत्रीकरण दिसते.

त्यातून प्रत्येकाला नवी दृष्टी मिळते – कसा विचार करावा, कसे बोलावे, कसे जगावे आणि सर्वात महत्त्वाचे म्हणजे स्वतःला ओळखावे कसे…. माऊलीजीचा प्रत्येक शब्द, प्रत्येक अनुभव हा आत्मविश्वास, श्रद्धा आणि विवेकाने परिपूर्ण असतो.

त्यांच्या मार्गदर्शनाखाली अनेकांनी धूम्रपान, मद्यपान, तंबाखू, चहा, कॉफी, मांसाहार यांसारख्या व्यसनांचा त्याग करून निरोगी आयुष्य स्वीकारले आहे. यापलीकडे जाऊन मानसिक आरोग्य देखील साधकांना लाभले आहे.

ते प्रत्येक गोष्टीची वैज्ञानिक कारणे स्पष्ट करतात.
ते सांगतात की देव नुसता मंदिरात नाही तर आपल्या विचारात, मनात आणि कृतीत सुद्धा आहे.
हा दृष्टीकोन तरुणांना किंवा विद्यार्थ्यांना विशेष आपलेसे करतो, कारण त्यांना केवळ भाषण नव्हे तर प्रॅक्टिकल मार्ग हवा असतो.