वर्षातून दोनदा – पावसाळ्यात (ऑगस्ट) आणि हिवाळ्यात (डिसेंबर–जनवारी) – माऊलीजींच्या सान्निध्यात साधक चार दिवसांची डोंगर व किल्ल्यांची मोहीम अनुभवतात.

या अनोख्या प्रवासात साधक माऊलीजींसोबत निसर्गाच्या कुशीत विविध डोंगर-दऱ्या आणि ऐतिहासिक किल्ल्यांवर भ्रमंती करतात. डोंगर चढताना केवळ शरीर नव्हे, तर मनही अधिक मजबूत होतं – आत्मविश्वास, सहनशक्ती आणि संयम यांचा विकास होतो.

प्रत्येक ठिकाणी ध्यानातून अंतर्मनाशी संवाद साधला जातो आणि इतिहासाच्या पावलांवर चालत छत्रपती शिवाजी महाराजांचा शौर्य, मावळ्यांचं बलिदान आणि प्रेरणादायी गोष्टींनी मन भारावून जातं.

या शिबिराचा खरा गाभा म्हणजे संघभावना, नेतृत्वगुण आणि ध्येयप्राप्तीची भावना. एकमेकांना साथ देत, प्रेरणा घेत, आणि निसर्गाशी एकरूप होत साधक आपला ‘स्व’ शोधू लागतात.

माऊलीजींच्या मार्गदर्शनात ट्रेकिंग म्हणजे आत्मशोधाचा आणि जीवनात उंच भरारी घेण्याचा एक अद्वितीय अनुभव –! 🌿✨

टिपणी : हे शिबीर फक्त त्याच साधकांसाठी आहे ज्यांनी निवासी साधना शिबिर पूर्ण केलेलं आहे.